9 மோட்டார் குண்டுகள் மீட்பு

மீசாலை பகுதியில் உள்ள வாழைத் தோட்டத்திலிருந்து மீட்கப்பட்ட 9 மோட்டார் குண்டுகளும் விசேட அதிரடிப் படையினரின் உதவியுடன் வியாழக்கிழமை (28) செயலிழக்க செய்யப்பட்டதாக கொடிகாமம் பொலிஸார் தெரிவித்தனர். வாழைத் தோட்டத்தில் கிடங்கு வெட்டும் போது, மோட்டார் குண்டு ஒன்று இனங்காணப்பட்டு அது தொடர்பில் காணி உரிமையாளர் பொலிஸ் நிலையத்துக்கு அறிவித்துள்ளார். அதனையடுத்து, விசேட அதிரடிப் படையினருடன் குறித்த இடத்துக்கு பொலிஸார் சென்று பார்த்த போது 9 மோட்டார் குண்டுகள் இருந்துள்ளன. அதனையடுத்து, அதனை மீட்டு செயலிழக்கச் செய்ததாக பொலிஸார் மேலும் கூறின